Pintura eta Hezkuntza

Kaixo margolariak!

Gaur ere hemen naiz! Zuentzako beste sarrera bat idazten.
Gaurkoan, hezkuntzari begira, pinturak honekin daukan lotura aipatzea izango da nire helburua.
Badakizue, txikitatik umeak plastikarekin zerikusia duten gauza askorekin erlazionatzen direla. Adibidez, umeek zenbakiak edo koloreak ikasteko marrazkiak erabili ohi dituzte, hala nola, bi asto agertzen diren argazki bati esker, umeek "bi" zenbakia ikasiko dute irudiaz baliatuz.
Umeei txiki txikitatik koloreek atentzioa deitzen die, eta horregatik ere Haur eta Lehen Hezkuntzako umeei gauza berriak erakustean hauei esker baliatuz egiten dute. Hona hemen bideo bat zenbakiak ikasteko teknikarekin.
Zenbakiak ez ezik beste edozein gauza ikasi dezakete marrazkiei, irudiei, kolorei esker.
Pinturak ere, umearen irudimena zabaltzen du. Horregatik, Plastikan askotan ikasleari marrazki librea egitea eskatzen zaio berak bere irudimenaz baliatuz marrazki bat asmatu dezan.
Nire ustez, beharrezkoa da hau umeengan bultzatzea, hau da, plastika irakasgaia denek egin dezaten, oso baliagarria baita.
Plastikari, margoei, pinturari esker umeek ere kontzeptu ezberdinak barneratuko dituzte, hala nola, perspektibaren kontzeptua, perspektiba mota desberdinak zeintzuk diren eta praktikara eramaten ikasiko dute ere ariketa desberdinak eginez.
Pinturak beraz, hezkuntzarekin lotura zuzena duela esan beharra daukat. Ikaslearen hezkuntza bultzatzeko pintura oso erabilgarria da hainbeste azalpen errazten baititu. Pinturari esker gauza asko azaldu ahal izaten ditugu eta honetaz baliatuz ere errazagoa egiten zaigu kontzeptu edo azalpenen bat azaltzea.
Pinturarekin zerikusia dutenek ere museoak dira, eta hauek jakintza asko ematen digute,hala nola, irudi berriak ezagutuz eta historia gehiago jasoz.
 Beraz, ikusi duzuenez Plastikaren eta Pinturaren alde nago bete betean, umearen hezkuntzaren garapenean asko laguntzen baitu.
Beste bat arte lagunak!!
*Amaia*

-Niri buruz-

Kaixo Margolariak!

Gaurko sarrera honetan niri buruz hitz egingo dizuet.

Nire izena Amaia da,19 urte ditut eta Bilbokoa naiz.

 Euskal Herrriko Unibertsitatean ikasten dut, Lehen Hezkuntzako Magisteritza, hain zuzen ere. Pasa den urtean Arangoitin geunden, baina eraikin zahar hori botatzea pentsatu dute, eta beraz, aurten Leioara mugitu gaituzte non bigarren maila hasi dudan.

Txikitatik gustatu izan zaizkit umeak, eta hauei gauza berriak erakustea ere. Bigarren Batxillergoan nengoela nire etorkizunari begira ez neukan argi zer egin, ideia asko nituen buruan. Azkenean, Arte Ederren eta Magisteritzaren artean nengoen, eta ikusi duzuenez azkenean Magisteritza egitea pentsatu nuen.

Esan beharra daukat, beti gustatu izan zaidala Plastika ikasgaia, ikastolan beti aukeratzen nuen hau eta oso ondo pasatzen nuen bertan.

Nire denbora librean ere marrazkiak egiten ditut, nik asmatutako marrazkiak edo beste irudiren bat kopiatzen saiatzen naiz ere. Margozteak, lasaitasuna, alaitasuna eta hainbeste sentimendu polit ekartzen dizkit gogora. Horregatik, Blog hau sortu dudanean argi eta garbi izan dut hasieratik kolorearekin zerikusia izango zuela bete betean.

Marrazteaz aparte, beste gauza batzuk ditu gogoko, hala nola, kirola. Hamar urtez saskibaloira jolastu izan dut eta astean zehar korrika egiten dut Bilbotik zehar. Gainontzeko kirolak ere gustokoak ditut, igeri egitea adibidez.

Sarrera honen helburua zuek, irakurleak, niri buruz informazio gehiago jasotzea zen, eta horrela izan dela uste dut. Orain nitaz gehiago dakizue eta zerbait ahaztu baldin bazait hurrengo sarreretan aipatuko dut.

Besarkada bero bat,

Beste bat arte lagunak!

*Amaia*

Kaixo denoi!!!!!

Kaixo irakurle maiteak!

Ongi etorri Koloreen txoko honetara! Gaur nire lehen sarrera da eta hurrengo egunetan koloreei eta margoei eta hauek hezkuntzarekin duten loturari buruz mintzatuko naiz.

Oso ondo pasatzea espero dut,

Urte askotarako margolariak! 

*Amaia*