Jolastera!

Artea modu dibertigarri batean hezitzeko jolasak ditugu. Betiko teorietatik aldentzeko joku sinpleak eta desberdinak egin izan dira umeen arreta pizteko.
Proba ezazue hau:

http://endrino.pntic.mec.es/~hotp0056/me_cm/index.htm

Ikusiko duzue artea modu desberdin batean ere erakutsi daitekeela, eta nola? Jolas baten bidez.
Goza ezazue!

*Amaia*

Artea

Kalera hurbilduz jendeari Artea zer den galdetzean honako hau erantzun dute:



Nire ustez, Artea dena da. Artea gehienetan pinturarekin eta margoekin erlazionatzen dugu. Baina aipatzekoa da Arte eremu zabal horretan hainbeste gehiago sartzen direla, hala nola, Argazkilaritza, Animazioa, Zeramika, etab.
Arteari esker, gure sormenaz baliatuko gara, gure ezagutzaz garatuz eta gure munduan murgilduz.
Arteari esker, pertsona bezala garatzen goaz eta gure egunerokotasunean beharrezkoa dela uste dut, eta Eskoletan bultzatzea are garrantsitsuagoa oraindik.

*Amaia*

-Globoflexia-

Puxiken bidez gauzak egiten ikasi nahi duzu?

Hainbeste tailer daude hau ikasteko, beraz, sarean ez duzu arazorik izango aurkitzeko.
Umeekin lan egiten baldin baduzu oso ondo dago honetan jakitun izatea, gauzak erakutsi ahal diezulako modu desberdin eta dibertigarri batetan.
Globoflexiak jakitea ere, umeekin lan egiteko ez ezik, dekorazioan eta apaingarrietan lan egiteko balio du ere. Jai bat antolatu nahi baldin baduzu, eta originala izan nahi baduzu egin ezazu puxikekin jai bat! Horretarako hainbat ideia eta aipu izango dituzu sarean:

http://www.globoflexia.net/

http://www.aprender-gratis.tk/globoflexia-figuras.htm

Animatu zaitez! Nik honelako tailer batean parte hartu dut ere, orain zure txanda da!

*Amaia*

-Animazioa-

Artea eta animazioa ere elkar lotuta daude, animazioa Arte mota bat baita.
Animazioa ere asko gustatzen zait, eta gai honekin erlazionatutako blog bat aurkitu dut sarean.
Interesgarria izango zaizuelakoan:

http://www.arteyanimacion.es/

Jende asko leihaketetan parte hartzen du, animazioarekin gauza asko egin daitezke, eta zure sormen eta originaltasunari esker hainbeste gauza sortu eta aurkeztu ditzazkezu. Noizbait horrelako gauzak egitea gustatuko litzaidake, oso interesgarria eta dibertigarria dela uste baitut.
Gainera, badago jende asko honetan egiten duena lan, eta niretzako goraipatzekoa da hauek egiten duten lana, gaur egun telebistako programak(adibidez, marrazki bizidunak) edota ordenagailuko askok animazioz beteta baitaude.

Goza ezazue jarritako linkaz eta zeozer aipatzeko baduzue iruzkin bat jarri nazazue!

*Amaia*

-Eskuak landuz-

Duela bi aste Larruzko tailer batean parte hartu nuen, eta bertan larruzko kartera bat egiten ikasi nuen.
Larruarekin lan egitea ere Artetzat hartzen dut.
Asko gustatu zitzaidan tailer hau, beraz, noizbait honelako tailer batera joateko aukera baduzue ez pentsatu bi aldiz eta joan zaitezte!
Izan genuen irakasleak web orrialde bat dauka sarean eta honako hauxe da:

http://www.larrua.com/

Hemendik ideiak hartu ahal dituzue, zuen kabuz gauzak egin ahal izateko.
Zuen sormenaren bitartez, gauza berriak sortu eta kontako didazue!
*Amaia*

Ondo pasa arteari buruz ikasten ari zaren bitartean!

Noizbait parte hartu al duzu tailerren baten? Edo ekintza desberdinak dituen tailerren baten?
Badira umeentzako horrelako asko, non ondo pasatzen duten bitartean gauza berriak ikasten dituzten.
Hona hemen Gizaburuagatik Aulestira bitartean egingo den tailerra:

http://lea.hitza.info/2011/11/18/gizaburuagatik-aulestira-salto-egingo-du-aurtengoan-lea-ibarreko-umeen-egunak/

Oso interesgarria dela uste dut, umeek disfrutatzen eta ikasi egiten dutelako aldi berean. Nik aipatutako hau bat baino ez da, asko aurkitu ditzazkezu sarean.
Animatu zaitez zu eta zure ingurukoak ere!

*Amaia*

-Ama-

Askotan Guggenheim albotik pasatu zaretelako, eta Armiarma erraldoi batean fijatu zaretelako, zuretzako Louise Bourgeois.

Louise Bourgeois 1911ko Abenduaren 25ean jaio zen Parisen( Frantzian), eta hamar urte zituenetik bere gurasoak laguntzen zituen tapizen marrazkiak egiten. Goi mailako matematikak eta geometria ikasi zituen Sorbonako Unibertsitatean, honen bidez bere bizitzan orden bat bilatzeko asmoz.

Txikitatik, nahiko istillotsua zen, eta matematikak teorikoegiak izateagatik baztertu zituen. Parisen, Arteko ikasketak hasi zituen, lehenengo Arte Ederretako eskolan, eta ondoren beste askotan, besteak beste Louvreko eskolan. Arrazoi horregatik, Paul Colin, Cassandre eta Fernand Léger izan zituen irakasletzat.

Ezkondu eta gero, Nueva Yorkera bizitzera joan zen, eta Parisen hasitako ibilbidea bertan jarraitu zuen eta bere lehenengo bi erakusketak egin zituen. Gehien bat eskulturak ziren, zeinetan Louisek zuen arlo psikiko horrez eragindakoa.

Oso argi zuen bere fazeta hau, eta bazekien ere oso urrun zegoela surrealismoak zituen errepresentazio literarioetan, eta honen ondorioz, arte konteporaneoan bide banguardista berri bat zabaldu zuen. Adibide argienak, bere armiarmen eskultura handiak dira.

2003n, “Wolf de las Artes de Jerusalem” fundazioko saria eman zioten. 1997. urtean, “Lifetime Achievement in Contemporary Sculpure Award-a, eta “ la medalla nacionak de las artes”. Eta azkenik, 2008an, Frantziar gobernuak ohorezko legioko saria eman zioten. Louise Bourgeois, Nueva Yorken hil zen 98 urte zituela, 2010eko Maiatzaren 31ean. Louise Bourgeoisek obra asko egin izan ditu bere bizitza osoan zehar.

Artista honen lan ezagunena, Ama(Maman) da. Lan honek 9 metroko altuera dauka ia eta Bourgeoisen eskultura anbiziotsuenetako bat da, eta armiarma inspirazio-iturri duen sail bati dagokio.

Motiboa artistak 1940ko hamarkadan egindako marrazki batzuetan agertu zen lehenengo aldiz, eta toki erabakigarria bete zuen 1990eko hamarkadan. Armiarmak Bourgeoisek amari egindako omenaldiak dira, ama ehulea baitzuen, eta agerian uzten dute amatasunaren izaera bikoitza: ama babeslea eta harraparia da aldi berean. Armiarmak kapulua ontzeko eta bere harrapakina ehizatzeko erabiltzen du zeta; beraz, amatasunak sendotasuna eta ahuldadea hezurmamitzen ditu. 
Ama erraldoi hau zitalki agertzen du arku gotikoen itxura duten hanka batzuen gainean. Hanka horiek kaiola eta gotorleku dira aldi berean, armiarmak zilborrean erantsita daraman eta erortzeko zorian daudela ematen duten arrautzez betetako poltsa babesteko. Armiarmak ikara eta beldurra eragiten ditu, baina bere altuerak, hanka arin batzuen gainean bereziki orekatuak, zaurgarritasun ia hunkigarria trasnsmititzen du.
Armiarma hau brontzez, marmolez eta altzairu herdoilgaitzaz eginda dago. Armiarma hau Bilbon ez ezik, Buenos Airesen ere ikus dezakegu. Honi esker, ikusi dezakegu artista honek armiarmak maite dituela:
*Amaia* 

Parte hartu ezazu!

Txikitatik marraztea gustatu zait, eta asko.
Nire karpetak, apunteak, etab. beti koloreztatzen ditut. Horrela, gauzak antolatuago, alaiago, politago, dibertigarriago ditudala sentitzen ditut.
Duela pare bat urte gutxi gorabehera nire marrazkiak pilatzen hasi nintzen koadernotxo batean, bertan mota desberdineko marrazkiak nituelarik:

Hemen jarri izan ditudanak batzuk baino ez dira, gutxinaka gehiago egiten ari bainaiz.
Honetaz gain, aipatzeko da ere leihaketa batean partu hartu nuela, Lekeitioko jaietako kartela egiten hain zuzen ere.
Irabazi ez arren, esan beharra daukat asko gustatu zitzaidala egitea, asko disfrutatu bainuen:

Inoiz parte hartu al izan duzu honelako baten?

Anima zaitez, ez duzu ezer galtzen eta!

*Amaia*

 

Errepikatu! Pa-ta-ta!

Gustoko duzue argazkiak ateratzea?
Argazkilaritza Arte mota bat dela esan dezakegu ere.
Ez da inoiz argi egon nor izan den Arte mota honen sortzailea, baina Joseph-Nicéphore Niépce eta Louis Daguerre izenekin erlazionatu da hau beti.
Argazkilaritza hezkuntzari dagokionez, oso egokia dela uste dut, oso ondo aplikatu daitekeelako bertan. Ni adibidez, DBH 2.mailan nengoela Plastika irakasgaian kamera bat sortu genuen "Nesquik" pote batekin hain zuzen ere. Honen barnea kartulina beltz batekin tapatu genuen eta kartulina zuri berezi bat sartu genuen ere, ondoren, zulo bat egin genuen potearen edozein aldetan.
Zulo hori kanpotik zelo zati batekin tapatzen genuen, eta argazkia ateratzera gindoazenean, zelo kendu eta zulotik argia sartzen uzten genuen, non argi hau kartulina zurian proiektatzen zen, prozesu hau segundu batzuk baino ez zuen irauten eta gero argazkiak errebelatzen genituen gelatxo batean, likido berezi batzuekin. Eskoletan egiteko egokia dela uste dut, teknika errez baten bidez, argazkigintzaren atal bat ikasi daitekeelako. Beraz, zure inguruan haur bat baldin badaukazu, proba ezazu, oso dibertigarria baita!
Argazkigintzan bertan hainbeste teknika eta efektu desberdinak daude, eta oso interesgarria dela uste dut.
Eta izugarrizko argazkiak lortu daitezke:

________________________________________________________________________________

_______________________________________________________________________________

Argazkigintzari esker momentu asko izoztu ditzazkezu! Gainera, aplikatu nahi duzun efektua erabili ahal izango duzu ere, hala nola, sepia, zuri-beltza, etab.
Arte mota oso polita dela uste dut, oso zabala baita eta hobby interesgarria izan daitekeela uste dut. Niri pertsonalki, asko gustatzen zait mota desberdinetako argazkiak ateratzea, ondo pasatzen dut, gauza ezberdinak probatu daitezkeelako.
Sarrera hau gustatu izan zaizuelakoan ere,
Agurtzen naiz,
*Amaia*

-Graffitiak-

Kaixo nire margolari maiteak!
Beste sarrera berri batean esperoan zeundeten, ezta?
Gaurkoan Arte moderno bateri buruz mintzatuko naiz.
Gaur, ingleseko klasean nengoela,"Graffiti"ei buruzko "Speaking" bat egin eta gero ideia ona iruditu zait honi buruzko sarrera berri bat egitea.
Nire ustez, artista bateak Graffitiei esker beraren sentimenduak, egoerak, gogoak, nahiak, etab aurkeztu eta espresatu dezake, eta ez dut uste txarto dagoenik. Egia esan, badaude graffiti batzuk ez dutenak ezer ez adierazten, letra sinple batzuk baino ez dira, baina ni ez nago hauek esaten. Nik, irudiak, paisaiak eta koloreak transmititu eta erakusten dizkidaten grafittiak baino ez ditut gustoko. Badaude nahiko artista kaleetan zehar, beraz, zergatik ez diegu utziko ba beraien sentimenduak adierazten? Hauen margoak kaleak alaitzen baituzte, eta dena biziagoa izatea lortzen baitute.



Ezaguna zaigu ere adibidez Berlingo harresia, non hainbeste margo agertzen diren honetan. Hona hemen ezagunena dena:

Bukatzeko, Bilboko Graffitiei buruzko irudi batzuk jarriko dizkizuet:

Sarrera honi esker, Graffitiak beste Arte mota bat dela azaldu nahi izan dut, errespetatua izan behar dena , eta beste Arte mota bat bezala hartu behar dena.

Beraz, gustokoa izan zaizuelakoan, hurrengora arte lagunak!

*Amaia*

-Kobazuloak eta bertako margoak-

Aspaldiko margolari maiteak!


Gaurko sarrera honetan beste arte mota bat eskeiniko dizuet.

Blog honetan Arte mota desberdinei buruzko informazioa ematen ari naiz, eta gaurkoan kobazuloei eta hauetan dauden margoei buruz hitz egingo dizuet.

Askotan kobazuloetako hormetan zaldiak eta ikusi izan ditugu, margo hauek duela milioika urtekoak dira, Goi Paleolitoan egindako margoak hain zuzen ere.

Azken urte hauetan margo hauek aurkitu izan dituzte Euskal Herrian eta beraz, eskuragarri uzten dizkizuet jarraian salgai dagoen liburu bat, kobazuloei buruz mintzatzen dena eta Debako kobazulo bateko margoei buruzko informazioa.
Interesgarria izango zaizuelakoan:


- http://www.anboto.org/albistea/10627/askondo-kobazuloko-goi-paleolitoko-margoak-berbagai/


- http://www.eitb.com/eu/albisteak/gizartea/osoa/262862/duela-20000-urteko-margoak-aurkitu-dituzte-debako-kobazulo-batean/

*Amaia*

-Zeramika-

Duela bi urte Ikastolan nengoela Zeramikari buruzko lan bat egin nuen. Nire arbasoek (aitaren aldekoak) zeramikan egiten zuten lan Durangon. Etxean baditut hauek egin zituzten lan batzuk.

Zeramika oso interesgarria irdutzen zait, hau ere artea delako. Eskuekin lan egitea gustoko dut eta sormenari esker objetu, lan berriak sortzea ere.

Zeramika, portzelanaz, buztinez eta antzeko materialez objektuak egiteko teknika eta artea da.

Arte mota hau zailenetarikoa edo gogorretarikoa dela esango nuke nik, pazientzia asko izan behar delako.

Euskal Zeramikari buruz gehiago jakin nahi baduzu hemen daukazu Interneteko link hau non informazio gehiago lortuko duzun: 

http://www.euskalzeramika.com/

Zeramika-lanak egiteko prozesuan lehenik buztina (eta honi gogortzeko eransten zaizkion materialak) urarekin nahasten da orea egiteko. Ondoren modelatu egiten da nahi den forma emateko (eskuz artisautzako zeramikan eta prozesu mekaniko baten bidez industrian), eta lehortzen utzi eta gero, oso tenperatura handian labean egosten da. Horrela lortutako objektua dekoratzea da azken pausua.

Hona hemen antzinako zeramika:

Eta Zeramika modernoa:

Arte mota hau oso gustoko dut eta zuek ere izango duzuelakoan nago,

*Amaia*

-Margozteko beste teknika batzuk-

Normalean ikusten ditugun margoak eskuz eginak dira, baina aipatzekoa da ere margo hoiek oinekin edota ahoarekin ere egin ohi dituztela hainbeste margolari edo artista.
Hona hemen beste artikulu bat honeri buruz doana:

http://paperekoa.berria.info/plaza/2011-10-19/048/001/artea_oztopoen_gainetik.htm

Hau ere artea da, nire ustez agian beste margoak baino askoz gehiago, lan hori gogorra eta zaila izango delakoan bainago.

*Amaia*

-OMAKO BASOA-

Inoiz egon al zara Omako Basoan?

Bisitatzea merezi duen leku bat dela uste dut, horregatik informazio interesgarria uzten dizuet eskura.
Kotxea hartu eta hurbildu zaitezte, kontako didazue nola joan den!


-Omako Basoa-


Omako basoa, Baso sorgindua edo Baso margotua Bizkaiko Kortezubi udalerriko Oma auzoan dagoen Agustin Ibarrola eskulturgile eta margolariaren arte lan bat da. Urdaibaiko Biosfera Erreserbaren barnean kokatzen da. Santimamiñe leizetik hurbil dago.

Ezaugarriak

Intsinis pinuz osatutako baso bat da, honen zuhaitzetan itxura eta kolore ezberdinetako margoak daudelarik. XX. mendeko 1960ko hamarkadan sortutako Land art korronte sortzailearen adierazpena da; izan ere, korronte honen helburua lan artistikoa naturara eramatea da, paisaia artistaren marko, euskarri eta materia gisa erabiliz.

 

Nire ustez ere, leku hau oso interesgarria da ikasleekin joateko, irteera bat egin nahi duzula hauta ezazu Omako Basoa! Ikasleen arreta piztuko du eta Plastika klaseko monotoniatik ateratzeko ere aukera ona da, gainera naturako mundu batean murgiltzeko aukera bat izango duzue!

 *Amaia*

Adi egon!

Kaixo irakurle maiteak!
Hemen naiz berriz ere zuentzako sarrera berri bat erakusteko. Gaurkoan, lagungarria izango zaizuen artikulu bat uzten dizuet:

http://www.guiainfantil.com/la-pintura-infantil-y-los-ninos.htm

*Amaia*

-Picasso eta bere Gernika-

Gernika Pablo Picassoren margolan famatua da, 1937ko apirilaren 26an Espainiako Guda Zibilean zehar gertatutako Gernikako bonbardaketa irudikatzen duena. XX. mendeko artelanik eta ikono garrantzitsuenetarikoa bihurtu da, gerrateek gizakiei eragiten dieten oinaze izugarrien eta bakearen sinboloa. Margolana 3,5 metro garai eta 7,8 metro zabal den oihal baten gainean olio pinturaz margotuta dago.

"Gernika" oleoaz oihal gainean egindako margolana da. 350 cm garai eta 780 cm zabal da. Margolana zuri-beltzean egina dago, grisa sorta zabalarekin. Bonbardaketari modu sinbolikoan deritzo eta gerratearen zentzugabekeria eta berauk eragindako oinazea adieraztea du helburu.
Margolanan sei pertsona (ama bat semearen hilotza eskuan duela, gudari hila, belauniko dagoen emakumea, kriseiludun emakumea), hiru animalia (zezena, usoa eta zaldia) eta beste zenbait sinbolo (argia eta sutan dagoen etxea) agertzen dira, hiru zatitan banatuak. Ezkerreko zatian zezena eta semearen hilotza eusten duen emakumea daude, erdian gudari hila, hilzorian dagoen zaldia eta emakumea kriseiluaz eta eskuman etxea sutan eta emakumea oihuka.

Hemen jartzen dizuet Gernika koadroa 3D-n . Era polit bat da koadro berezi hau ikusi ahal izateko, beraz, disfrutatu:


Beste bat arte lagunak,
*Amaia*

-Iragana oroitzen-

Gogoratzen al duzue Art Attack?
Nik txikitan askotan ikusten nuen eta bertatik ideia ugari ikasi nituen.
Hemen jartzen dizuet bideo bat, eta horrelako asko aurkitu ahal izango dituzue Youtuben, teknika berriak ikasiz.



Programa horretan denetarik ikusi ahal izango duzue. Oso egokia dela uste dut, gauza berriak ikasten direlako, eta oso errazak direnak, hain zuzen ere.
Materialak errazak dira erosteko eta gainera nola egiten den azaltzen dizu pausuz pausu. Beraz, animatu zaitez Art Attackek dioena egitera! Agur lagunak!
*Amaia*