4.asteko 2.jarduera

Kaixo:

Sarrera honetan, nire PLE ari buruz hitz egiten saiatuko naiz.

Egia esan, nire Google Chrome-ko goiko aldeko "barra de herramientas"-ean egunerokotasunean erabiltzen ditudan aplikazioak ditut gordeta, zuzenean hauetan sartu ahal izateko.

Honetan, Google, Youtube, Hotmail,Gmail, Facebook, Moodle, Twitter, Dropbox, Skype... bezalakoak ditut. Hauek ez ezik, garrantzi gutxiago ematen dizkiedan batzuk ditut, hala nola, Elhuyar hiztegia, traduktore bat, Simyo, serieak ikusteko,etab.

Ikus dezakezuenez nire "tresna barra" oso luzea da. Baina, hasieran aipatutakoetan zentratuko naiz, Google, Youtube, Hotmail,Gmail, Facebook,Moodle, hain zuzen ere. 

Oso tradizionala naiz, eta ikastaro honi esker aplikazio desberdinak eta berriak ikasten banago ere, nik egunero erabiltzen ditudan batzuei buruz mintzatuko naiz sarrera honetan.

Hasteko, Google.

Google aplikazio publikoak, informazioa jasotzeko, gure informazioa/jakintzak aldatzeko eta gure aportazioak emateko aukera ematen digu(PLE egokia izateko betetzen dituen hiru ezaugarriak).

Munduko ia jende guztiak erabiltzen du egunero bilatzaile hau. 1998an sortu zuten Standfordeko Unibertsitateko bi doktorek.
Produktu nagusia, bilatzearena da baina hori ez ezik, etengabe aldaketa bat bizitzen ari diren beste zerbitzu ugari eskaintzen ditu.

Googlek aukera nahikoak ematen ditu, hala nola, irudiak bilatzeko, bilaketa orokorrak egiteko, Maps(edonongo mapak ikusteko), Academics(Scholar)... Azken honetan, diziplina desberdinetan, autore desberdinek, unibertsitate anitzekoek egindako lan, artikuluak aurkitu daitezke ere.

Baina, kontu handia izan behar dugu bilatzaile honetan aurkitzen dugun informazioarekin, askotan ez baita guztiz fidagarria.

Bigarrenez, Youtube.

Youtube aplikazio pribatuak, informazioa jasotzeko, gure informazioari zein jakintzei aldaketa emateko, eta gurea elkarbanatzeko aukera ematen digu.

Interneten bidez, bideo digitalak elkarbanatzeko aukera ematen duen web orrialdea da Youtube.

2005.urteko Otsailean Pay Pal enpresako izan ziren hiru langilek sortu zuten baina, 2006ko urriaren 10ean Google enpresak erosi zuen, gaur egun, hauek izanik jabeak. 
2007ko ekainean, internazionalizaziorako bidea hartu zuen, hizkuntza askotara itzuli zelako.  

Adobe Flash formatua erabiltzen du bere edukia eskaintzeko. Bertan, mota askotako bideoak aurki ditzakegu( telebistako saioak, pelikulak, musika bideoak,etab).

Youtube asko erabiltzen dut, bereziki inglesezko abestien lyrics-a praktikatzeko abeesten dudan bitartean, ikasteko aukera ematen baitit. Hau ez ezik, gauza desberdinetarako erabiltzen dut, baina, ez dut inoiz bideorik igo ezta ezer elkarbanatu. Beharbada, noizbait zerbait deigarria baldin badut, animatuko naiz.

Hirugarrenez, Hotmail. 

Hotmail aplikazioak(gaur egun ere, Outlook deitua),nahi dudanekin gauzak konpartitzeko aukera ematen dit.

Egunero erabiltzen dut, mezu desberdin asko jasotzen baititut.

1996ko uztailean Sabeer Bhatiak eta Jack Smithek sortu zuten. Webean oinarritutako lehenetariko doainiko posta elektronikoa izan da. Gero, urtebete geroago, Microsoft bihurtu zen honen jabe, MSN Hotmail deitu ziotelarik.

Honen barruan, momentuko mezuak bidaltzeko aukera ematen du(Windows Live Messenger), egutegia(Hotmail Calendar), edukien bilketa(SkyDrive) eta kontaktuak.

2013ko otsailaren 18tik aurrera Outlook.com izenagatik aldatua izan da.

Laugarrenez,Gmail.

Web bidezko aplikazio hau, Googleren doako posta elektroniko zerbitzua da. 40 hizkuntzetan dagoen eta egun milioika erabiltze dituen aplikazio honek, 2007.urtean sortu zen guztiz.

Mezu elektronikoak bidaltzeko edo bilatzeko tresna da, baina hau ez ezik, txat programa ere dauka. 

Egunero erabiltzen dut Gmail, irakasleekin kontaktuan jartzeko, bereziki. 

Bostgarrenez,Facebook.

Gizarte sare zerbitzu hau Mark Zuckerbergek sortu zuen.Hasiera batean, Harvard unibertsitateko ikasleentzat sortu zen, geroago mundu guztiari ireki zelarik.

Erabiltzaile bakoitza bertako sare ezberdinetan ibili daiteke, bere ikasketen araberako, bere bizitokiaren araberako edo bere lanaren araberakoa izan daitekeelarik.

2010.urtean euskarazko bertsioa jarri zen martxan. Bi urte geroago, maiatzaren 18an New Yorkeko NASDAQ merkatuan kotizatzen hasi zen.

Aplikazio honi esker, nire ondoan ez daudenekin komunikatzeko erabiltzen dut bereziki, Skype bezala.

Seigarrenez,Moodle.

Unibertsitateko lehenengo mailatik erabili izan dut, eta erabiltzen jarraitzen dut egunero.

Moodle, Modular Object Oriented Dynamic Learning Environment bezala ezagutzen dena, 2001.urtean Martin Dougiamas australiarrak sortutako doainiko e-learning plataforma da. Web aplikazio hau edozein gailuren bitartez, edonon eta edonoiz erabili dezakegu.

Moodle, ikastaroak eta Interneten oinarritutako webguneak 
sortzeko software paketea da. Garapenean dagoen giza hezkuntza konstruktibistari laguntzeko proiektua, hain zuzen ere.
Irakaslearen aipamenak, lanak, azterketarako apunteak... hartu ditzazkezu, igo ditzazkezu, partekatu ditzazkezu(foroak)... baliabide ugari eskaintzen baititu.

Beharbada, lehen aipatu bezala, nahiko tradizionala naiz aplikazioei dagokionez, baina hori txarra al da? Ez dut uste.

Jarduera honi esker, nire ikaskideen PLE ak ezagutzeko aukera izango dut, eta beharbada nire PLE ari aldaketa bat emateko aukera izango dut.

Informazioa partekatzeko aplikazio desberdinak erabili izan ditut orain arte, hala nola, Mindomo, Prezi, Slideshare, Voicethread...bezalakoak. Eta orokorrean, gustura eta arazorik gabe erabili izan ditut.

Amaia.